من ذاكرة الظفرة " دنياك "

خاص - من ذاكرة الظفرة 

لاتشتكي يا صاحبي هم دنياك 

دنياك ما تسوى جناح الذبابه

ارفع يدينك للذي يسمع ادعاك 

رب يثيب العبد لي من لجابه

وان صار دربك كله هموم واشواك 

خذها بصدر فيه طيب ورحابه 

اصبر ولا تعترض على الناس بلواك 

كم صابر يجزا ولا احد درابه

واذا امتحنك الله بالإحسان جازاك

يوم ان كل ينكشف له كتابه

العمر رحله والليالي تحداك 

لاترتجي وقت تقضا شبابه

ماكل برق في السما بات يعشاك 

همال مزنه لو كثيف سحابه

ولا كل نور تتبعه وين سراك 

ولا كل درب يوصل اللي مشابه

فرق ما بين الناس هذا وهذاك 

والكلب كلب لو يكشر بنابه

خاو الرفيق اللي تحطه بيمناك 

يبان من فعله وصوف الذيابه